Եվրոպական ֆուտբոլային ասոցիացիաների միությունը (ՈՒԵՖԱ) կարգապահական գործ է հարուցել «Բարսելոնայի» դեմ այն բանից հետո, երբ թիմի երկրպագուներից առնվազն երկուսը մեղադրվել են ռասիստական պահվածքի մեջ Չեմպիոնների լիգայի քառորդ եզրափակչի՝ ՊՍԺ-ի հետ վերջին խաղում (2:3):
Աղբյուրի փոխանցմամբ՝ այս երկրպագուները հանդիպման ժամանակ բղավել են նացիստական ողջույններ և ցույց են տվել կապիկի ժեստեր: Ընդգծվում է, որ եթե ՈՒԵՖԱ-ն ապացուցի կատալոնական ակումբի երկրպագուների մեղքը, ապա ակումբի նկատմամբ կարող են պատժամիջոցներ սահմանվել արտագնա հանդիպմանը երկրպագուների մասնակցության արգելքի տեսքով՝ այն դեպքում, եթե կապտանռնագույնները դուրս գան Չեմպիոնների լիգայի կիսաեզրափակիչ։
Աղբյուրը նշում է, որ երկու կասկածյալներն էլ բերման են ենթարկվել իրավապահ մարմինների կողմից։ Իր հերթին, ՊՍԺ-ն արդեն երեք հայց է ներկայացրել նրանց դեմ:
