«Բրենթֆորդի» հարձակվող Իվան Թոնին ասել է, որ ցանկանում է շնորհակալություն հայտնել ակումբին աջակցության համար: Անգլիացի հարձակվողը խաղադրույքների համար որակազրկվել էր ութ ամսով։
«Բոլորը գիտեն, որ «Բրենթֆորդը» ընտանեկան ակումբ է, և ակումբի ներսում մարդիկ հիանալի են վերաբերվել ինձ: Ես չեմ կարող բավականաչափ շնորհակալություն հայտնել նրանց, հատկապես երկրպագուներին: Նրանք նույնպես առաջին րոպեներից ինձ աջակցեցին։ Այսպիսով, թվում է, թե ես ինչ-որ բան ունեմ նրանց հատուցելու համար: «Բրենթֆորդն» այս պահին որոշ խնդիրներ ունի, ուստի երբ վերադառնամ, կփորձեմ օգնել թիմին: Անհամբեր սպասում եմ այդ պահին»,- Տոնիի խոսքերն է մեջբերում Sky Sports-ը:
Անցյալ տարվա մայիսին Իվանը ութ ամսով հեռացվել էր ֆուտբոլից՝ խաղադրույքների կանոնները խախտելու համար։ Ֆուտբոլիստի որակազրկման ժամկետը լրանում է հունվարի 16-ին։ Անցած մրցաշրջանում Թոնին «Բրենթֆորդի» կազմում անցկացրել է 35 հանդիպում բոլոր մրցաշարերում՝ դառնալով 21 գոլի և 5 գոլային փոխանցման հեղինակ:
