Դորտմունդի «Բորուսիան» պաշտոնական առաջարկ է արել Լոնդոնի «Չելսիին» հոլանդացի պաշտպան Յան Մատսենին ձեռք բերելու համար։ Այս մասին հայտնում է լրագրող Ֆաբրիցիո Ռոմանոն։
Ըստ աղբյուրի՝ գերմանական ակումբը խաղացողին վարձակալելու առաջարկ է արել, բոլոր մանրամասները երկու ակումբների միջև կքնարկվեն մոտ ժամանակներս։ Բանակցություններն ընթանում են։
Ավելի վաղ հաղորդվում էր, որ հոլանդացին հետաքրքրված է «Բորուսիա» տեղափոխվելով։ Նշվում էր, որ 21-ամյա ֆուտբոլիստն արդեն համաձայնեցրել է անձնական պայմանագրի պայմանները դորտմունդյան ակումբի հետ։
Մատսենը լոնդոնյան ակումբի համակարգում է 2018 թվականից։ Այս մրցաշրջանում պաշտպանը բոլոր մրցաշարերում մասնակցել է 15 հանդիպման։
