ՊՍԺ-ի հարձակվող Կիլիան Մբապեի ապագան կարող է որոշվել առաջիկա մեկուկես ամսում, հայտնում է L’Équipe-ը։
Աղբյուրի համաձայն՝ հարձակվողը մտադիր է կողմնորոշվել իր ապագայի հարցում մինչև «Ռեալ Սոսյեդադի» հետ Չեմպիոնների լիգայի 1/8 եզրափակչի առաջին խաղը, որը կկայանա փետրվարի 14-ին։ Հիշեցնենք, որ ավելի վաղ հաղորդվում էր, որ Մադրիդի «Ռեալը» պատրաստ է հրաժարվել «Մանչեսթեր Սիթիի» հարձակվող Էրլինգ Հոլանդի տրանսֆերից՝ Մբապեին ձեռք բերելու համար։
25-ամյա Կիլիանի գործող պայմանագիրը փարիզցիների հետ ավարտվում է 2024 թվականի հունիսին, իսկ 2024 թվականի հունվարին նա արդեն պաշտոնապես իրավունք կունենա այլ ակումբների հետ բանակցելու ապագա տրանսֆերի շուրջ։
Նախկինում տեղեկություններ էին հայտնվել, որ «Ռեալը» մտադիր է փոխել մարտավարությունը Մբապեի հետ բանակցություններում՝ ՊՍԺ-ի հարձակվողից պատասխան ակնկալելով հունվարի միայն առաջին երկու շաբաթվա ընթացքում։ Եթե խաղացողը չհամաձայնի միանալ մադրիդյան թիմին, ապա կկորցնի նրանց կազմում երբևէ խաղալու հնարավորությունը։
