«Գրեմիոյի» հարձակվող Լուիս Սուարեսը մոտ է «Ինտեր Մայամի» ազատ գործակալի կարգավիճակով տեղափոխվելուն: Այս մասին հայտնում է լրագրող Ֆաբրիցիո Ռոմանոն։
Աղբյուրի տեղեկություններով՝ ուրուգվայցի հարձակվողն ու նրա ներկայացուցիչները բանակցություններ են վարում MLS ակումբի հետ պայմանագրի մանրամասների շուրջ։ «Ինտեր Մայամիի» պաշտոնական հայտարարությունը կարող է հրապարակվել այս շաբաթ: Հաղորդվում է, որ կողմերը պայմանագիր կկնքեն մեկ տարի ժամկետով՝ ևս մեկ մրցաշրջանով երկարաձգելու հնարավորությամբ։
Ֆուտբոլիստի պայմանագիրը բրազիլական ակումբի հետ ավարտվում է այս տարվա վերջին։ Գրեմիոն հայտարարել է, որ պայմանագիրը չի երկարաձգվի։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 4 միլիոն եվրո։
Սուարեսը ուրուգվայական «Նասիոնալից» ազատ գործակալի կարգավիճակով միացավ «Գրեմիոյին» 2023 թվականի սկզբին:
