Գերմանիան ու Մեքսիկան ոչ-ոքի խաղացին

Մեքսիկայի և Գերմանիայի հավաքականներն ընկերական խաղում փոխանակեցին երկուական գնդակ։  Հանդիպման 25-րդ րոպեին հաշիվը բացել է պաշտպան Անտոնիո Ռուդիգերը։

Մեքսիկայի հավաքականի կազմում պատասխան գոլը խփել է  Ուրիել Անտունան։

Երկրորդ խաղակեսում կիսապաշտպան Էրիկ Սանչեսը առաջ մղեց մեքսիկացիներին, սակայն գերմանացի հարձակվող Նիկլաս Ֆուլկրուգը գրեթե անմիջապես վերականգնեց հավասարակշռությունը։

Հիշեցնենք, որ Գերմանիան հաջորդ տարի կընդունի Եվրո-2024-ը։