«Բավարիայի» հարձակվող Հարի Քեյնը բացատրել է, թե ինչու է տեղափոխվել մյունխենյան ակումբ.
«Նրանք շատ են խոսում գավաթների մասին, բայց դա միակ պատճառը չէր, որ ես տեղափոխվեցի «Բավարիա»: Ինձ պետք էր ամենաբարձր մակարդակով խաղալ, եթե ցանկանում էի կատարելագործվել:
Եթե ես ցանկանում եմ շրջապատված լինել աշխարհի լավագույն հարձակվողներով և լավագույն խաղացողներով, ինձ պետք է խաղալ Չեմպիոնների լիգայում և պայքարել տիտղոսների համար։ Անցած մրցաշրջանն անձամբ ինձ համար լավ անցավ, բայց ոչ «Տոտենհեմի»՝ որպես թիմ: Եվս մեկ քայլ անելու ժամանակն է»,- Քեյնի խոսքը մեջբերում է The Guardian-ը։
Հիշեցնենք, որ Քեյնը «Բավարիա» է տեղափոխվել «Տոտենհեմից» ամառային տրանսֆերային պատուհանի ժամանակ ավելի քան 100 միլիոն եվրոյով, նրա պայմանագիրն ակումբի հետ նախատեսված է մինչև 2027 թվականը։
