Լևերկուզենի «Բայերի» հարձակվող Սերդար Ազմունը կարիերան շարունակելու այլ տարբերակ ունի: Այս մասին հայտնում է լրագրող Ֆաբրիցիո Ռոմանոն Թվիթերի իր էջում:
Աղբյուրի համաձայն՝ Ազմունի տրանսֆեր համար պայքարին միացել է իտալական «Ռոման», որը մրցելու է «Միլանի» հետ: Վերջինս նախկինում արդեն առաջարկ էր արել իրանցի հարձակվողի տրանսֆերի վերաբերյալ: «Բայերի» աղբյուրները հայտնել են, որ հռոմեական ակումբն արդեն պայմաններ է առաջարկել իրանցու հնարավոր տեղափոխության համար:
Սպասվում է, որ Ազմունն իր ապագայի վերաբերյալ որոշում կկայացնի առաջիկա մի քանի ժամվա ընթացքում:
28-ամյա Ազմունի պայմանագիրը Լևերկուզենի «Բայերի» հետ նախատեսված է մինչև 2027 թվականի հունիսը: Ընթացիկ մրցաշրջանում հարձակվողը դեռ չի խաղացել նախամրցաշրջանային հավաքի ժամանակ ստացած վնասվածքի պատճառով։
Ավելի վաղ հաղորդվում էր, որ Ազմունով հետաքրքրված է Սանկտ Պետերբուրգի «Զենիթը»։
