Դորտմունդի «Բորուսիան» հետաքրքրված է «Մանչեսթեր Յունայթեդի» վինգեր Ջեյդոն Սանչոյի ծառայություններով։ Այս մասին հայտնում է Bild-ը։
Ըստ աղբյուրի՝ նման գործարքի հավանականությունը շատ մեծ է։ «Մանչեսթեր Յունայթեդի» ղեկավարները ֆուտբոլիստին ասել են, որ հաջորդ տարի հույսեր չեն կապում նրա հետ։ Ինքը՝ Սանչոն, դեմ չէ Գերմանիայի առաջնության ակումբ վերադառնալուն, որի կազմում հանդես է եկել չորս մրցաշրջան։ Բացի դրանից, «իշամեղուների» սպորտային տնօրեն Սեբաստիան Կելը մշտապես շփվում է խաղացողի ներկայացուցիչների հետ և հիշեցնում գերմանական ակումբի հետաքրքրության մասին 23-ամյա ֆուտբոլիստի նկատմամբ։
Դորտմունդի «Բորուսիան» հետաքրքրված է Սանչոյին վարձավճարով ձեռք բերելով։ «Մանչեսթեր Յունայթեդը» կարող է 55-60 միլիոն եվրոյի չափով լիարժեք խաղացողի տրանսֆեր պահանջել, բայց դա զգալի գումար է Գերմանիայի առաջնության ակումբի համար, որը նրանք դեռ պատրաստ չեն վճարել:
Հիշեցնենք, որ «կարմիր սատանաները» եզրային հարձակվողին ձեռք են բերել դորտմունդյան ակումբից 2021 թվականի ամռանը 85 միլիոն եվրոյով։
Ֆուտբոլիստի պայմանագիրը «Մանչեսթեր Յունայթեդի» հետ ուժի մեջ է մինչև 2026 թվականի հունիսի վերջ։ Ֆուտբոլիստի տրանսֆերային արժեքը Transfermarkt ինտերնետային պորտալի համաձայն կազմում է 55 միլիոն եվրո։
