Իտալական «Յուվենտուսի» նախկին ֆուտբոլիստ Կլաուդիո Մարկիզիոն խոսել է Չեմպիոնների լիգայում թիմի ցուցադրած խաղի մասին, հաղորդում է Sky Italia-ն:
«Ինձ ուրախացնում է, որ «Յուվենտուսը» հաղթում է Ա Սերիայում, բայց նրանց գլխավոր նպատակը պետք է լինի Չեմպիոնների լիգան:
Իսկ այնտեղ գործերը այնքան էլ լավ չեն: Թիմը չի ցուցադրում այն խաղը, որը սպասում են երկրպագուները:
Հույս ունեմ, որ իմ նախկին թիմակիցները կհաղթեն այդ մրցաշարը, բայց մինչև այդ` պետք է հաղթահարել «Լիոնի» արգելքը»,- ասել է Մարկիզիոն:
Հիշեցնենք, որ Չեմպիոնների լիգայի 1/8 եզրափակչի «Յուվենտուս»-«Լիոն» առաջին հանդիպումը ավարտվեց ֆրանսիական ակումբի հաղթանակով` 1:0 հաշվով:
Պատասխան խաղը կկայանա մարտի 18-ին` Թուրինում:
