«Էսպանյոլի» հարձակվող Մարտին Բրեյթվեյթը, ով նախորդ մրցաշրջանում պաշտպանում էր կատալոնական «Բարսելոնայի» գույները, խոսել է Ուսման Դեմբելեի խաղային որակների մասին։
Նա ֆրանսիացուն ավելի տաղանդավոր ֆուտբոլիստ է համարում, քան Ռոբերտ Լևանդովսկին։
«Նա ավելի տաղանդավոր է, քան Լևանդովսկին։ Ուսմանը շատ լավ տղա է, ինձ շատ է դուր գալիս։ Նա հսկայական տաղանդ ունի, ես երբեք նման բան չեմ տեսել։ Մեսսին այլ բան է, բայց ես երբեք չեմ տեսել Ուսմանի նման մեկին»,- մեջբերում է Բրեյթվեյթին Mundo Deportivo-ն։
Ավելի վաղ հաղորդվում էր, որ Ուսման Դեմբելեն չի պատրաստվում երկարաձգել պայմանագիրը «Բարսելոնայի» հետ և մտադիր է հեռանալ ակումբից։ Սակայն հետո խաղացողը նոր պայմանագիր ստորագրեց «Բարսելոնայի» հետ:
