Իսպանացի կիսապաշտպան Սեսկ Ֆաբրեգասը, ով դարձել է իտալական Կոմո ակումբի խաղացող, խոստովանել է, որ կցանկանար ապագայում մարզել Անգլիայի Պրեմիեր լիգայի ակումբ։
«Երբ ես մարզիչ դառնամ, ցանկանում եմ աշխատել Անգլիայի Պրեմիեր լիգայում։ Սա այն վայրն է, որտեղ ես ցուցադրեցի իմ լավագույն ֆուտբոլը։ Իմ լավագույն տարիները Պրեմիեր լիգայում էին. Ինձ շատ է դուր գալիս Անգլիայում: Ապագայում ես կցանկանայի մարզել Պրեմիեր լիգայի ակումբ, ինչու ոչ: Սա, անկասկած, իմ պլանն է առաջիկա մի քանի տարիների համար»,- Ֆաբրեգասի խոսքերն է մեջբերում Sky Sports-ը:
Հիշեցնենք, որ իր կարիերայի ընթացքում Սեսկ Ֆաբրեգասը հանդես է եկել այնպիսի ակումբներում, ինչպիսիք են Լոնդոնի «Արսենալը», «Բարսելոնան» և «Չելսին»:
