Մադրիդի «Ռեալը» վաղուց հետաքրքրված է Մաուրիսիո Պոչետինոյի ծառայություններով, ով այժմ աշխատում է ՊՍԺ-ում։
Ինչպես հայտնում է L’Équipe-ը, մադրիդյան ակումբը կարող է հրավիրել 49-ամյա մասնագետին, ով մոտ է ամռանը ՊՍԺ-ից հեռանալուն։ Դա կարող է տեղի ունենալ, եթե «Ռեալը» Կառլո Անչելոտիի գլխավորությամբ չկարողանա հասնել այս մրցաշրջանի իր նպատակներին:
Նշվում է, որ նախկինում մադրիդցիները առնվազն երեք անգամ փորձել են թիմ հրավիրել Պոչետինոյին։ Առաջին անգամ դա տեղի է ունեցել 2017 թվականին։ Բացի այդ, Մադրիդի «Ռեալը» մարզչի նկատմամբ հետաքրքրություն է ցուցաբերել 2021 թվականի հունվարին և անցած ամռանը։
Մադրիդի «Ռեալը» գլխավորում է Լա լիգայի մրցաշարային աղյուսակը՝ 4 միավորով գերազանցելով «Սևիլյային»: Թիմը նվաճեց Իսպանիայի Սուպերգավաթը և դուրս մնաց Իսպանիայի գավաթից։ Չեմպիոնների լիգայի 1/8 եզրափակչում «սերուցքայինները» կխաղան ՊՍԺ-ի հետ։
