Եվրոպա լիգայի փլեյ-օֆֆ փուլի՝ «Ալաշկերտ»-«Ռեյնջերս» պատասխան խաղից առաջ տեղի ունեցած մամուլի ասուլիսին մեր թիմի դարպասապահ Օգնեն Չանչարևիչը պատասխանեց լրագրողների հարցերին։
-Ինչպիսի՞ տրամադրվածություն կա խաղից առաջ․ մրցակցի կազմում առանցքային ֆուտբոլիստներ երկու դարպասապահ վաղը չեն լինելու։
-Առաջին խաղից հետո շատ բան գիտենք «Ռեյնջերսի» մասին։ Թիմում շատ լավ տրամադրություն է տիրում։ Մասնավորապես, «Կայրաթի» դեմ խաղից հետո տրամադրությունը թիմում շատ լավ է։ Կարծում եմ՝ վաղը ինչ-որ բան կարող ենք անել։ Մենք հավատում ենք մեր հաջողությունը։ Տեսանք, որ կարող ենք հաղթել «Կայրաթի» պես թիմին, տեսանք մեր երկրպագուների աջակցությունը և այս ամենը հաշվի առնելով՝ հավատում ենք, որ կարող ենք այս մեծ հաղթանակը պարգևել նրանց։ Գիտենք մրցակցի ուժեղ և թույլ կոմերը։
-Յուրչենկոն վնասվածք ունի ամբողջ ծանրությունը Ձեզ վրա է։ Դա խնդիրներ կարո՞ղ է առաջացնել։
-Հեշտ չէ, բայց այս պահին այլ բան չենք կարող անել։ Հուսով եմ՝ նա շուտով կապաքինվի։ Այստեղ ոչ միայն մրցակցություն է մեր միջև։ Նա ինձ համար եղբոր պես է, մենք միասին լավ թիմ ենք կազմում, իրար ավելի լավն ենք դարձնում։
-Առաջին խաղում տպավորություն էր, որ եթե շուտ դուրս գայիք տեղից, հնարավոր կլիներ փրկել պահը․․․կմեկնաբանե՞ք։
-Այն ոչ թե սխալ էր, այլ երբ մեկ-երկու վայրկյան ես ունենում որոշում կայացնելու համար․․․մի քանի տարբերակ կար այդ պահին․ նախ, թվաց, թե խաղից դուրս վիճակ է, ապա, երբ ուզում էի դուրս գալ, գնդակն արդեն նրանց հարձակվողի ոտքերի տակ էր, մտածում էի, եթե դուրս գամ, իմ վրայով գնդակը կուղարկի դարպասը, ուզում էի ժամանակ շահել մինչ պաշտպանները կհասնեն օգնության։
