«Բարսելոնայի» ու «Միլանի» նախկին տնօրեն Արյեդո Բրայդան ասել է, որ Միրալեմ Պյանիչն ուզում է վերադառնալ «Յուվենտուս»։
«Երեք-չորս օր առաջ տեսնվեցի Պյանիչի հետ Բարսելոնայում։ Ես անձնական հարցերով էի մեկնել քաղաք։ Պատահաբար հանդիպեցինք «Կամպ Նոուի» մոտ ու զրուցեցինք։
Նա ուզում է «Յուվենտուս» վերադառնալ։ Ալեգրին հաստատ նրան ավելի լավ գիտի, քան այլ մեկը»,- ասել է Բրայդան Tuttosport-ի հետ զրույցում։
Պյանիչը իտալական ակումբում հանդես է եկել 2016-2020 թվականներին։ 2020-ի ամռանը բոսնիացին տեղափոխվեց «Բարսելոնա»։
