Ռուսաստանի հավաքականի գլխավոր մարզիչ Ստանիսլավ Չերչեսովը բացատրել է Մոսկվայի «Դինամոյի» 17-ամյա կիսապաշտպան Արսեն Զախարյանի ընդգրկումը Եվրո-2020-ի 30 ֆուտբոլիստներից կազմված ընդլայնված հայտացուցակում։
«Մենք տարիքին չենք նայում: Մենք նայում ենք, թե ինչպես է ֆուտբոլիստը խաղում և զարգանում: Զախարյանը կարող է խաղալ մի քանի դիրքում, գումարած` նա իրեն ցույց տվեց երիտասարդական Եվրո-ում․ փորձում ենք նման բաների կողքով չանցնել:
Մենք առիթը կօգտագործենք միմյանց ճանաչելու, ուսումնամարզական հավաքում աշխատելու և որոշում կայացնելու համար», — Չերչեսովի խոսքերն է մեջբերում Sport24- ի թղթակիցը:
Հիշեցնենք, որ Զախարյանն առաջին անգամ է հրավիրվել Ռուսաստանի ազգային հավաքական: Զախարյանը 17 տարեկան է: Այս մրցաշրջանում նա 12 հանդիպում է անցկացրել «Դինամոյի» հիմնական կազմում ՝ դառնալով երկու գոլի եւ հինգ գոլային փոխանցման հեղինակ:
Ռուսաստանի հավաքականի ընդլայնված հայտացուցակն՝ այստեղ։
