«Բավարիայի» գլխավոր մարզիչ Հանս-Դիտեր Ֆլիկը, որն ընթացիկ մրցաշրջանի ավարտից հետո կհեռանա զբաղեցրած պաշտոնից, կգլխավորի Գերմանիայի հավաքականը, վստահեցնում է Abendzeitung-ը։
Աղբյուրի փոխանցմամբ, գերմանական ֆուտբոլային միության (DFB) և մասնագետի միջև պայմանագիրը նախատեսված կլինի երեք տարով։ Այն ուժի մեջ կմտնի Եվրոպայի առաջիկա առաջնության ավարտից հետո, որի ընթացքում թիմը կգլխավորի ներկայիս գլխավոր մարզիչ Յոահիմ Լյովը։ Սպասվում է, որ Ֆլիկը հավաքականի հետ կաշխատի աշխարհի 2022 թվականի առաջնության և Եվրոպայի 2024 թվականի առաջնության ժամանակ։ Պայմանագրի պայմանները չեն հստակեցվում։
Ավելի վաղ DFB-ն հայտարարել էր Ֆլիկի հետ բանակցություններ վարելու մասին։ Ավելի ուշ մասնագետը պատասխանել էր հնարավոր նշանակման մասին հարցին։
Ֆլիկը 2019 թվականին է գլխավորել «Բավարիան»։ Նրա գլխավորության թիմն առաջին իսկ մրցաշրջանում դարձել էր թրեբլի հեղինակ՝ դառնալով Գերմանիայի չեմպիոն, գավաթակիր և Չեմպիոնների լիգայի հաղթող։ Ընթացիկ մրցաշրջանում մյունխենցիները նորից հաղթեցին Բունդեսլիգայում։
