«Մանչեսթեր Յունայթեդի» գլխավոր մարզիչ Օլե Գունար Սուլշերը պատասխանել է «Մանչեսթեր Յունայթեդի» նախկին հարձակվող Ռոբին վան Պերսիի քննադատություններին: Ավելի վաղ հոլանդացին ասել էր, որ չի ցանկանա մարզչի դեմքին ժպիտ տեսնել «Մանչեսթեր Յունայթեդի» կրած պարտությունից հետո: Հիշեցնենք, որ «կարմիր սատանաները» Անգլիայի առաջնության վերջին խաղում 0:2 հաշվով պարտվեցին Լոնդոնի «Արսենալին»:
«Ես Ռոբինին չեմ ճանաչում, բայց նա էլ ինձ չի ճանաչում: Նա իրավունք չունի քննադատել իմ աշխատանքային ոճը, և ես չեմ պատրաստվում փոխվել: Դա հաստատ է: Նա վերցրել էր իմ վերնաշապիկը 20 համարով և, հավանաբար, դա այն ամենն է, ինչ նա կստանա ինձանից: Մենք միջնադարում չենք ապրում, որ աշխատանքի ընթացքում ագրեսիվ լինեմ», — մեջբերում է Սուլշերին The Telegraph-ը:
«Մանչեսթեր Յունայթեդը» 21 խաղում վաստակել է 31 միավոր և անգլիական Պրեմիեր լիգայի մրցաշարային աղյուսակում գրավում է 5-րդ տեղը:
