Բասկետբոլի Հայաստանի Ա-Լիգայի կանոնավոր առաջնության հերթական տուրի շրջանակում կայացած «Վահագնի Սիթի»-«Սուպերսոնիքս» խաղում հաղթանակն ուղեկցեց տանտերերին՝ 110-84 հաշվով:
Ամերիկյան թիմը հաղթեց միայն երրորդ քառորդում, իսկ մյուս 3 քառորդում ուժեղ գտնվեց «Վահագնի Սիթին»:
Խաղում ամենաարդյունավետը «Վահագնի Սիթիից» Ջեյսոն Ուոթսն էր՝ վաստակած 30 միավորով: Նա նաև 13 անգամ տիրեց օղակից անդրադարձող գնդակին:
9 տուրից հետո «Վահագնի Սիթին» ունի 6 հաղթանակ ու 15 միավորով երկրորդն է, իսկ «Սուպերսոնիքսը» 10 խաղում տոնել է 4 հաղթանակ ու կրել 6 պարտություն:
