«Չելսիի» պաշտպան Անտոնիո Ռյուդիգերը խոսել է ՄՅՈՒ-ի դեմ Անգլիայի Գավաթի կիսաեզրափակիչ խաղի սպասելիքներից։
«Անհամբեր սպասում եմ այդ խաղին։ ՄՅՈՒ-ն գերազանց մարզավիճակում է, 18 թե 19 խաղ է, ինչ չի պարտվում։ Մրցաշրջանի ընթացքում երկու անգամ հաղթել են մեզ։ Շատ ինքնավստահ են։ Մեզ դժվար խաղ է սպասվում։ Լավ լուր է, որ Ժիրուի հետ նորից ամեն ինչ կարգին է։ Նրա մոտ դժվարություններ կային։
Մենք Չեմպիոնների լիգայում հայտնվելու ճիշտ ուղու վրա ենք։ Առջևում երկու դժվար խաղ ունենք «Լիվերպուլի» ու «Վուլվերհեմփթոնի» հետ։ Լավ է, որ վերահսկում ենք իրավիճակը մրցաշարային աղյուսակում։ Ցավոք, մի քանի միավոր կորցրինք, բայց ընդհանուր առմամբ բավարարված ենք․ քչերը կարող էին պատկերացնել, որ 3-րդ տեղը կգրավենք։
Ինձ համար մրցաշրջանն այնքան էլ լավ չէր սկսվել, ես մի քանի վնասվածք ստացա։ Պայքարում էի մեկնարկային կազմում տեղի համար, բայց ամեն ինչ դեռ այդքան էլ լավ չէ, ինչպես առաջ։ Ուզում եմ ու պիտի աշխատեմ դրա վրա»,- Ռյուդիգերի խոսքերն է փոխանցում DFB-ն։
