Չեմպիոնների լիգայի առաջին խաղային օրը գրանցվեցին անակնկալ արդյունքներ:
Խաղային երկրորդ օրը, կրկին, մի քանի հետաքրքիր խաղեր են կայանալու:
Սկսենք A խմբից: Այս տուրում, արդեն, ֆրանսիական ՊՍԺ-ն հաղթանակի դեպքում կարող է նվաճել փլեյ-օֆֆի ուղեգիր: Տուխելի թիմը կմրցի բելգիական «Բրյուգեի» հետ:
Երկրորդ հորիզոնականում գտնվող «արքայական» ակումբը կընդունի «Գալաթասարային»: Հաղթանակի դեպքում միավորների քանակը Զիդանի թիմը կհասցնի 7-ի ու վերջիններիս գործնականում կես քայլ կբաժանի փլեյ-օֆֆից:
B խմբում Մյունխենի «Բավարիան» առանց գլխավոր մարզչի կփորձի հաղթել հունական «Օլիմպիակոսին»: Հաղթանակը կունենա փլեյ-օֆֆի ուղեգրի արժեք: Որոշակի ճգնաժամ ապրող «Տոտենհեմը» հյուր կգնա սերբական «Ցրվենա Զվեզդային»: Պոչետինոյի թիմն ունի 4 միավոր ու այս խաղում պետք է պայքարի միայն ու միայն հաղթանակի համար:
C խմբում մրցակցությունից դուրս է անգլիական «Մանչեսթեր Սիթին»։ Քաղաքաբնակներն այս տուրում կհյուրընկալվեն իտալական «Ատալանտային»: Իտալական թիմը միավոր չունի ու ամեն ինչ կանի Գվարդիոլայի թիմի դեմ խաղում առավելագույնը քաղելու համար՝ ուղեգրերի պայքարին միանալու համար: Խմբի մյուս խաղում կմրցեն 4-ական միավոր ունեցող Զագրեբի «Դինամոն» ու Դոնեցկի «Շախտյորը»:
D խմբում 7-ական միավորով «Յուվենտուսն» ու «Աթլետիկո Մադրիդը» կիսում են առաջին հորիզոնականը: Մադրիդյան թիմն այս տուրում հյուր է գնալու առայժմ առանց միավորի Լևերկուզենի «Բայերին»: Թուրինյան ակումբն էլ կխաղա Մոսկվայում՝ տեղի «Լոկոմոտիվի» հետ: Մոսկվայի թիմն ունի 4 միավոր ու եթե ցանկանում է խառնվել խմբի առաջատարների գործերին, պետք է անպայման հաղթի:
Արմեն Գարամյան
