Արգենտինացի լեգենդար ֆուտբոլիստ Դիեգո Մարադոնայի բժիշկը պատմել է նրա առողջական վիճակի մասին.
«Նա վաղուց հանգստացնող միջոցներ է ընդունում: Սա բուժում է, որը մենք շարունակում ենք, քանի որ որոշ դեղամիջոցներ չի կարելի հենց այնպես բացառել: Օրգանիզմում դիմադրողականություն է առաջանում, և դրանցից կտրուկ կերպով հրաժարվելը կարող է խնդիրներ առաջացնել:
Սակայն նա խմում է, բայց մենք աշխատում ենք այդ խնդրի շուրջ: Դիեգոն միանգամայն մաքրվել է կոկայինից, բայց երբեմն նա չափազանց շատ է օգտագործում ալկոհոլ: Այս կարանտինն ու ընտանեկան խնդիրները սարսափելի են նրա համար»,- բժիշկ Լուկեի խոսքերն է փոխանցում Infobae-ն:
Նշենք՝ Մարադոնան 2019 թվականին է գլխավորել «Խիմնասիան»: Մինչ այդ 59-ամյա մասնագետն աշխատել է արգենտինական «Դորադոսում», ԱՄԷ-ի «Ալ-Վասլ» և «Ալ-Ֆուջայրա» ակումբներում, ինչպես նաև Արգենտինայի հավաքականում:
Ֆուտբոլիստի կարիերայի ընթացքում նա պաշտպանել է «Արխենտինոս Խունիորս», «Բոկա Խունիորս», «Բարսելոնա», «Նապոլի», «Սևիլիա» և «Նյուքասլ Օլդ Բոյզ» ակումբների գույները: