Դորտմունդի «Բորուսիայի» կիսապաշտպան Մարկո Ռոյսը մոտ է խաղադաշտ վերադառնալուն:
Դորտմունդյան ակումբը հայտնել է, որ 31-ամյա գերմանացին մասնակցել է թիմային մարզմանը: Ռոյսը մկանային վնասվածքի պատճառով չի խաղում փետրվարից: Նախկինում հաղորդվում էր, որ նա կարող է բաց թողնել մրցաշրջանի մնացած հատվածը: Այս շաբաթ տեղեկություն տարածվեց, որ «Բորուսիան» թաքցրել է այն փաստը, որ ֆուտբոլիստը նաև մկանային սալջարդ ունի և կարող է վիրահատության ենթարկվել:
8 մրցաշրջանի ընթացքում Ռոյսը վնասվածքի պատճառով բաց է թողել 981 օր:
Բունդեսլիգայի ընթացիկ մրցաշրջանում Ռոյսն անցկացրած 19 խաղում դարձել է 11 գոլի ու 5 արդյունավետ փոխանցման հեղինակ:
🤩 Mit dem Team auf dem Platz: Captain @woodyinho! ©️ pic.twitter.com/J8PtSxkD9H
— Borussia Dortmund (@BVB) June 10, 2020
