Մադրիդի «Ռեալը» պաշտոնապես սկսել է «Մանչեսթեր Սիթիի» և Իսպանիայի հավաքականի աստղ Ռոդրիի տեղափոխության գործընթացը՝ առաջին կապը հաստատելով անգլիական ակումբի ղեկավարության հետ։ Այս քայլը վկայում է իսպանական գրանդի դիրքորոշման կտրուկ փոփոխության մասին։
Ինչպես հայտնում է հայտնի ինսայդեր Ֆաբրիցիո Ռոմանոն, ակումբների միջև արդեն մեկնարկել են բանավոր նախնական բանակցությունները։ «Արքայական» ակումբի նախագահ Ֆլորենտինո Պերեսը կանաչ լույս է վառել գործարքի համար. թեև ամիսներ շարունակ նա հակված չէր այս տրանսֆերին՝ հաշվի առնելով 30-ամյա ֆուտբոլիստի տարիքն ու գործարքի բարձր արժեքը, սակայն այժմ իրավիճակը փոխվել է։ Աղբյուրի համաձայն՝ «Ռեալը» պատրաստ է ավելի քան 50 միլիոն եվրո առաջարկել կիսապաշտպանի տեղափոխության համար։
🚨⚪️ Real Madrid have approached Manchester City for Rodri for the first time.
Negotiations have started with verbal discussions between clubs.
Florentino Pérez has given approval to the deal after doors closed for months.
Real indicate they are ready to spend over €50m. pic.twitter.com/mf8HNldbcZ
— Fabrizio Romano (@FabrizioRomano) July 29, 2026
Ռոդրին դարձել է գերակա նպատակ «Սանտյագո Բեռնաբեուում»՝ հատկապես Աշխարհի առաջնությունում ունեցած փայլուն ելույթներից հետո։ Ակումբի ղեկավարությունը նրան համարում է կիսապաշտպանությունը հզորացնելու, խաղի տեմպը թելադրելու և դաշտի կենտրոնը վերահսկելու իդեալական տարբերակ։ Բացի այդ, Ժոզե Մոուրինյուն անձամբ է պնդում այս տրանսֆերի իրականացումը՝ դիտարկելով Ռոդրիին որպես իր նոր նախագծի առանցքային և առաջնորդող կերպար:
«Մանչեսթեր Սիթիի» հետ Ռոդրիի գործող պայմանագիրն ուժի մեջ է մինչև 2027 թվականի հունիսի 30-ը։ Չնայած Պրեմիեր լիգայում անցկացրած յոթ մրցաշրջաններին՝ իսպանացին ներկայումս սառեցրել է պայմանագրի երկարաձգման գործընթացը՝ ուսումնասիրելով Իսպանիա վերադառնալու տարբերակը, իսկ «Ռեալի» հետաքրքրությունն ավելի է մեծացնում այդ ցանկությունը։
Ժամանակն այժմ առաջնային գործոն է Մադրիդի համար։ «Սպիտակները» ցանկանում են գործարքն ավարտին հասցնել նախքան Ռոդրիի՝ «Սիթիի» նախամրցաշրջանային հավաքին միանալը։
Թեև անգլիական ակումբը հեշտությամբ բաց չի թողնի իր առանցքային խաղացողին, ակնկալվում է, որ խոշոր ֆինանսական առաջարկի դեպքում «Սիթին» գործարքին դեմ չի լինի։ «Վալդեբեբասի» միջանցքներում ծնված սովորական հետաքրքրությունն արդեն վերածվել է ռազմավարական թիրախի. եթե այս տրանսֆերը կայանա, այն կարող է դառնալ «Ռեալի» ամառային տրանսֆերային պատուհանի գլխավոր իրադարձությունը։
