«Սպարտակը» որոշել է լիարժեք պայմանագիր կնքել հարձակվող Ալեքսանդր Սոբոլևի հետ, հայտնում է Metaratings.ru-ն: Հրապարակման համաձայն, թիմի գլխավոր մարզիչ Դոմենիկո Տեդեսկոն, ինչպես նաև ակումբի սեփականատեր Լեոնիդ Ֆեդունը և գլխավոր տնօրեն Թոմաս Ցորնը գոհ են ֆուտբոլիստից:
Ձմեռային տրանսֆերային պատուհանի ընթացքում Սոբոլևը «Կռիլյա Սովետովից» տեղափոխվեց «Սպարտակ»՝ վարձավճարով: Լրագրող Սերգեյ Եգորովի խոսքով, հարձակվողի վեց ամսվա վարձակալության համար մոսկովյան թիմը վճարելու է Սամարան ներկայացնող ակումբին 0,5 միլիոն եվրո, իսկ ֆուտբոլիստի պայմանագրում առկա է փոխհատուցման գումարը՝ 4,5 միլիոն եվրո:
Կորոնավիրուսի պանդեմիայի պատճառով Ռուսաստանի ֆուտբոլի առաջնության դադարեցումից առաջ Սոբոլևին հաջողվել էր չորս հանդիպում անցկացնել «Սպարտակի» կազմում: Այդ խաղերում նա ոչ մի գոլ չի խփել և մեկ գոլային փոխանցում է կատարել:
Մրցաշրջանի առաջին կեսին ֆուտբոլիստը տասն անգամ աչքի էր ընկել «Կռիլյա Սովետովի» կազմում և նա երրորդն է ՌՊԼ-ի այս մրցաշրջանի լավագույն ռմբարկուների ցուցակում: