Իտալական Ա Սերիայի 2025/2026 մրցաշրջանի 30-րդ տուրի շրջանակում «Միլանը» սեփական հարկի տակ՝ «Սան Սիրո» մարզադաշտում, ընդունեց «Տորինոյին» և դրամատիկ պայքարում առավելության հասավ 3:2 հաշվով:
Հանդիպման հաշիվը 37-րդ րոպեին բացեց միլանյան ակումբի պաշտպան Ստրախինյա Պավլովիչը, սակայն ընդամենը յոթ րոպե անց հյուրերի հարձակվող Ջովանի Սիմեոնեն վերականգնեց հավասարությունը:
Երկրորդ խաղակեսում դաշտի տերերը կարողացան արագորեն իրենց կողմը թեքել նժարը. 54-րդ րոպեին կիսապաշտպան Ադրիեն Ռաբյոն առաջ մղեց «Միլանին», իսկ երկու րոպե անց Յուսուֆ Ֆոֆանան խփեց տանտերերի երրորդ գնդակը՝ հաշիվը դարձնելով 3:1: Հանդիպման 85-րդ րոպեին Նիկոլա Վլաշիչը անվրեպ իրացրեց 11-մետրանոց հարվածը՝ կրճատելով հաշվի տարբերությունը, սակայն թուրինյան ակումբին խաղը փրկել չհաջողվեց:
Այս հաղթանակից հետո «Միլանը» վաստակեց 63 միավոր և շարունակում է զբաղեցնել Ա Սերիայի մրցաշարային աղյուսակի 2-րդ հորիզոնականը՝ չեմպիոնական մրցավազքում առաջատար «Ինտերից» հետ մնալով 5 միավորով: «Տորինոն» իր ակտիվում ունի 33 միավոր և հանգրվանել է 14-րդ տեղում:
Հաջորդ տուրում՝ ապրիլի 6-ին, «Միլանը» արտագնա խաղում կմրցի «Նապոլիի» հետ, իսկ «Տորինոն» մեկ օր առաջ ուժերը կչափի «Պիզայի» հետ:
Գոլերը՝ ԱՅՍՏԵՂ
Սերիա Ա-ի մրցաշարային աղյուսակն այս պահին
