«Բարսելոնայի» կիսապաշտպան Պեդրին խոստովանել է, որ արագավազ ֆուտբոլիստների, մասնավորապես՝ Մադրիդի «Ռեալի» աստղ Վինիսիուս Ժունիորի դեմ խաղալն իր համար իսկական փորձություն է։
Իսպանական հայտնի El Hormiguero հեռուստահաղորդման ժամանակ, խոսելով մրցակիցների արագության և իր ֆիզիկական տվյալների մասին, իսպանացի ֆուտբոլիստը կատակել է.
«Ինձ համար բարդ է գրեթե բոլորի դեմ խաղալը, քանի որ ես դանդաղաշարժ եմ։ Մբապե, Վինիսիուս… Երբ գնդակը հասնում է Վինիսիուսին, ինձ մնում է միայն աղոթել։ Նա ինձանից երեք անգամ արագ է վազում»,- պատասխանել է Պեդրին։
Երկու ֆուտբոլիստներն էլ շարունակում են առանցքային դեր խաղալ իրենց թիմերում։ Պեդրին ընթացիկ մրցաշրջանում անցկացրել է 26 հանդիպում՝ դառնալով 2 գոլի և 8 արդյունավետ փոխանցման հեղինակ։ Վինիսիուսն իր հերթին մասնակցել է 36 խաղի՝ աչքի ընկնելով 12 գոլով և 11 գոլային փոխանցմամբ:
