Իսպանիայի հավաքականի մարզիչ Լուիս դե լա Ֆուենտեն Վրաստանի նկատմամբ 4-0 հաշվով հաղթանակից հետո անդրադարձել է պաշտպան Դին Հոյսենի ֆիզիկական վիճակին և կրկին ընդգծել իր փիլիսոփայությունը՝ «Առաջնահերթությունը միշտ խաղացողն է, նույնիսկ եթե ոմանք չեն ցանկանում հասկանալ դա»։
Դե լա Ֆուենտեն պարզաբանել է, որ Հոյսենը չի մասնակցել խաղին մկանային թեթև ցավերի պատճառով, իսկ հանգստանալու որոշումը եղել է բացառապես կանխարգելիչ:
Նա շեշտել է, որ «Ռեալ Մադրիդի» բժշկական ծառայությունների հետ կա բաց և արդյունավետ շփում։ Մարզիչը հաստատել է, որ առայժմ ոչ մի խաղացող չի լքի հավաքը և Հոյսենը մնում է հասանելի երեքշաբթի օրվա՝ Թուրքիայի դեմ խաղի համար։
«Նա ուրախ է այստեղ լինելու համար և չի ցանկանում հեռանալ», — Դե լա Ֆուենտեի խոսքն է մեջբերում DAZN-ը։
Դե լա Ֆուենտեի հայտարարությունները հնչեցին Լամին Յամալի անակննակալ ապակոչման ֆոնին, ով դուրս էր մնացել ցայլոսկրային ցավի (pubalgia) բուժման պատճառով, ինչը նոր լարվածություն առաջացրեց Իսպանիայի ֆուտբոլի թագավորական ֆեդերացիայի (RFEF) և «Բարսելոնայի» միջև։
Դե լա Ֆուենտեի հայտարարությունները հնչեցին Լամին Յամալի՝ հայտացուցակից անակնկալ կերպով հեռացման ֆոնին, ով դուրս էր մնացել ցայլոսկրային ցավի (pubalgia) բուժման պատճառով, ինչը նոր լարվածություն առաջացրեց Իսպանիայի ֆուտբոլի թագավորական ֆեդերացիայի (RFEF) և «Բարսելոնայի» միջև։
Ֆեդերացիան հայտնել է իր «զարմանքն ու դժգոհությունը» այս քայլի կապակցությամբ, քանի որ մանրամասն զեկույցը ստացել էր միայն ուշ երեկոյան, որտեղ խորհուրդ էր տրվում 7-10 օր հանգիստ։ Հետևելով բացառապես բժշկական չափանիշներին, որոշվեց ֆուտբոլիստին հեռացնել հայտացուցակից։
Բանավեճը մեծացավ այն պատճառով, որ Յամալը, չնայած ցավերին, մասնակցել էր «Բարսելոնայի» վերջին երկու խաղերին։ Ֆեդերացիան պնդում է, որ իրենք տեղյակ չեն եղել ոչ խաղացողի վիճակի, ոչ էլ հավաքի մեկնարկից ժամեր առաջ կատարված բուժման մասին։
Չնայած այս անհամաձայնությանը, Դե լա Ֆուենտեն պնդել է, որ ակումբների, ներառյալ «Բարսելոնայի», հետ հարաբերությունները մնում են «լավ և արդյունավետ»։
