Մադրիդի «Ռեալի» բելգիացի դարպասապահ Տիբո Կուրտուան պատասխանել է «Բարսելոնայի» նախագահ Ժոան Լապորտայի՝ Իսպանիայի առաջնության վրա «սպիտակ ձեռքի» ազդեցության մասին մեկնաբանություններին։
Կատալոնական ակումբի նախագահը խոսել էր Լա լիգայի 9-րդ տուրի «Ժիրոնայի» դեմ խաղում (2։1) թիմի գլխավոր մարզիչ Հանս-Դիտեր Ֆլիկի սկանդալային հեռացումից հետո։
«Լապորտան դա ասաց, քանի որ ստիպված է նման բաներ ասել՝ հաշվի առնելով Նեգրեյրայի գործը։ Ես երբեք չեմ տեսել, որ մրցավարները օգնեն «Ռեալին», ընդհակառակը։ Մրցավարները մարդիկ են, և նրանք նույնպես կարող են սխալներ թույլ տալ։ Ես չեմ կարծում, որ նրանց սխալները մեզ օգուտ են բերել», — Կուրտուայի խոսքերն է մեջբերում AS-ը։
Կուրտուան ընթացիկ մրցաշրջանում անցկացրած 11 խաղերում բաց է թողել 10 գոլ, իսկ 5 խաղում պահել է դարպասը անառիկ։
