«Արսենալի» գլխավոր մարզիչ Միկել Արտետան մեկնաբանել է իր թիմի վստահ հաղթանակը (4:0) Չեմպիոնների լիգայի լիգայի փուլի 3-րդ տուրի խաղում, որտեղ լոնդոնյան ակումբը ջախջախեց Մադրիդի «Ատլետիկոյին»։
«Ստացվեց բարդ, ֆիզիկական պայքարով լի հանդիպում։ «Ատլետիկոյի» բաց թողած գոլից հետո նրանք ստիպված եղան որոշ չափով բացվել, ինչը մեր ֆուտբոլիստների համար հեշտացրեց ազատ գոտիներ գտնելու գործը։ Մենք շատ գոհ ենք նման արդյունքից։ Այս հաղթանակը էլ ավելի է ամրապնդում մեր կապը երկրպագուների հետ, քանի որ սպորտում հաջողության հանդեպ հավատը կենսականորեն կարևոր է։ Հիմա պետք է արագ կենտրոնանանք կիրակնօրյա խաղի վրա», — նշել է Արտետան։
Մարզիչը հատուկ անդրադարձել է հարձակվող Վիկտոր Յոկերեշին, ով ճանաչվեց հանդիպման լավագույն խաղացող։
«Ես շատ գոհ եմ Վիկտոր Յոկերեշից, նա լիովին արժանի էր լավագույնի մրցանակին։ Նրա ներդրումը թիմային աշխատանքի մեջ ուղղակի անգերազանցելի է։ Մեզ համար շատ արժեքավոր է այն, ինչ նա տալիս է թիմին։ Այսօր նա իսկապես երջանիկ է», — ասել է Արտետան։
Հիշեցնենք, որ այս հաղթանակից հետո «Արսենալը» Չեմպիոնների լիգայի լիգայի փուլում 9 միավորով զբաղեցնում է 3-րդ տեղը, իսկ «Ատլետիկոն» 3 միավորով 18-րդն է։
