«Բարսելոնայի» մարզական տնօրեն Դեկուն խոսել է ակումբի առաջիկա տրանսֆերային աշխատանքների մասին։ Պորտուգալացու խոսքով՝ երկրպագուները չպետք է սպասեն որևէ ուժեղացման ձմեռային պատուհանի ընթացքում։
«Անցյալ ամառ մենք արեցինք այն ամենը, ինչ ցանկանում էինք և կարող էինք տրանսֆերային շուկայում։ Այժմ պետք է սպասենք, մինչև մի շարք խաղացողներ վերականգնվեն վնասվածքներից։
Այս պահին ես չեմ տեսնում որևէ պատճառ ձմռանը կրկին տրանսֆերային շուկա դուրս գալու համար։ Մրցաշրջանը դեռ երկար է, և շատ բան կհստակվի ընթացքում։ Խաղացողներից ոչ մեկը ցանկություն չի հայտնել թիմը լքելու, ուստի դա չի ազդում մեր ծրագրերի վրա։
Եթե իրավիճակը փոխվի կամ առաջանա իրական անհրաժեշտություն, մենք պատրաստ կլինենք արձագանքել։ Ես չեմ ուզում անուններ նշել, բայց մենք ուշադիր հետևում ենք զարգացումներին», — Դեկուի խոսքերն է մեջբերում Football Espana-ն։
Հիշեցնենք, որ «Բարսելոնան» Լա լիգայի 9 տուրերից հետո 22 միավորով երկրորդ տեղում է՝ երկու միավորով զիջելով ներկայիս առաջատար Մադրիդի «Ռեալին»։
