Բարսելոնայի կիսապաշտպանը վնասվածք է ստացել միջազգային հավաքի ժամանակ

Իսպանիայի հավաքականի և «Բարսելոնայի» կիսապաշտպան Դանիել Օլմոն վնասվածքի պատճառով չի կարողանա մասնակցել 2026 թվականի աշխարհի առաջնության որակավորման փուլի՝ Վրաստանի և Բուլղարիայի դեմ խաղերին, հայտնում է Իսպանիայի ֆուտբոլի թագավորական ֆեդերացիայի (RFEF) պաշտոնական կայքը։

RFEF-ի հայտարարության մեջ նշվում է, որ խաղացողը մարզման ընթացքում ձախ ոտքում մկանային ցավ է զգացել։ Այդ պատճառով անցկացվել են լրացուցիչ հետազոտություններ, որոնց արդյունքում ախտորոշվել է մկանային վնասվածք։ Օլմոն կվերադառնա «Բարսելոնա»։

Ընթացիկ մրցաշրջանում Օլմոն բոլոր մրցաշարերում անցկացրել է 10 խաղ, խփել է 1 գոլ և կատարել է 2 գոլային փոխանցում։