«Ոսկե գնդակի» մրցանակաբաշխության կազմակերպիչները հրապարակել են քվեարկության արդյունքները։ Ինչպես արդեն հայտնի է, ՊՍԺ-ի և Ֆրանսիայի հավաքականի հարձակվող Ուսման Դեմբելեն մրցանակը ստացել է այս շաբաթվա սկզբին Փարիզում։
Դեմբելեն լրագրողների քվեարկության արդյունքում հավաքել է 1380 միավոր։ Երկրորդ տեղը գրաված Լամին Յամալը ստացել է 1059 միավոր՝ 321-ով պակաս, քան Ուսմանը։
Լավագույն տասնյակը հետևյալ տեսքն ունի․
- Ուսման Դեմբելե (ՊՍԺ) – 1380 միավոր
- Լամին Յամալ («Բարսելոնա») – 1059 միավոր
- Վիտինյա (ՊՍԺ) – 703 միավոր
- Մոհամեդ Սալահ («Լիվերպուլ») – 657 միավոր
- Ռաֆինյա («Բարսելոնա») – 620 միավոր
- Աշրաֆ Հակիմի (ՊՍԺ) – 484 միավոր
- Կիլիան Մբապե («Ռեալ Մադրիդ») – 378 միավոր
- Քոուլ Պալմեր («Չելսի») – 211 միավոր
- Ջանլուիջի Դոնարումա (ՊՍԺ/«Մանչեսոեր Սիթի») – 172 միավոր
- Նունու Մենդեշ (ՊՍԺ) – 171 միավոր
Հիշեցնենք, որ անցած մրցաշրջանում Դեմբելեն ակումբային մակարդակով անցկացրած 53 խաղում խփել է 35 գոլ և կատարել 16 գոլային փոխանցում։ ՊՍԺ-ի հետ հարձակվողը նվաճել է Ֆրանսիայի առաջնությունը, Ֆրանսիայի գավաթը, Սուպերգավաթը և Չեմպիոնների լիգան։
