«Ռեալը» հետաքրքրված է ձեռք բերելու «Լիվերպուլի» հարձակվող Սադիո Մանեին: Այդ մասին հայտնում է The Sun-ը։
Ըստ աղբյուրի, մադրիդյան ակումբը սենեգալացի ֆուտբոլիստի ներկայացուցիչներին հրավիրել է հնարավոր տրանսֆերի վերաբերյալ ոչ պաշտոնական բանակցություններ վարելու: Նախատեսվում է, որ տրանսֆերի արժեքը կկազմի 170 միլիոն եվրո:
Վերջերս Մանեն խոստովանել էր, որ ցանկանում է նվաճել «Ոսկե գնդակը»:
Ավելի վաղ, Մադրիդի «Ռեալը» առաջարկ է արել Լոնդոնի «Արսենալին» հարձակվող Պիեր-Էմերիկ Օբամեյանգին գնելու համար, հաղորդում է France Football-ն։
