«Բարսելոնան» կփորձի հետ բերել կիսապաշտպան Շադի Ռիադին, որը ներկայումս հանդես է գալիս «Բետիսում»: Այս մասին հայտնում է լրագրող Ֆաբրիցիո Ռոմանոն։
Ըստ աղբյուրի՝ կատալոնական ակումբի ղեկավարությունը տպավորված է 20-ամյա ֆուտբոլիստի առաջընթացով։ «Բարսելոնան» պատրաստ կլինի մարոկկացուն վերադարձնել ակումբ գալիք ամառ՝ ակտիվացնելով հետգնման տարբերակը: Պոտենցիալ գործարքի գումարը կարող է կազմել 6,5 միլիոն եվրո: Նշվում է, որ «Բետիսը» իրավունք ունի նաև խաղացողի հետագա վաճառքի 50%-ի:
Ռիադը «Բարսելոնայի» համակարգում է եղել երեք տարի (2019-ից 2022 թվականներին)։
