«Ինտերի» հարձակվող Մարկուս Թուրամը մեկնաբանել է Չեմպիոնների լիգայի խմբային փուլի 2-րդ տուրի խաղում «Բենֆիկայի» նկատմամբ տարած հաղթանակը (1:0)։
«Ուրախ ենք, որ երեք միավոր վաստակեցինք։ Երկրորդ խաղում հաղթանակը շատ կարևոր էր։ Ավելի լավ է, որ մենք հաղթեցինք տանը՝ մեր երկրպագուների աչքի առաջ։ Ես ուրախ եմ թիմի համար։ Եթե ես գոլ չխփեի, կարող էր մեկ ուրիշը խփեր, բայց դա իմ գիշերն էր, և ես շատ ուրախ եմ դրա համար: Ես և Լաուտարոն լավ ենք հասկանում միմյանց, նա աշխարհի լավագույն հարձակվողներից մեկն է, և հեշտ է խաղալ նման հիանալի հարձակվողի հետ»,- Թուրամի խոսքն է մեջբերում ՈՒԵՖԱ-ի մամուլի ծառայությունը։
2 տուրից հետո «Ինտերը» D խմբում 4 միավորով 2-րդ տեղում է, «Բենֆիկան» վերջինն է (0 միավոր):
