Ռոմելու Լուկակուն ասել է, որ կանանց համար հեշտ չէ գայթակղել իրեն։
«Ես ամեն ինչ անում եմ հանուն իմ երեխաների և մորս։ Եթե ինչ-որ բանի կարիք ունեն, դա արվում է անմիջապես։
Ես երբեք բաց չեմ թողել ավագ որդուս առաջին դպրոցական օրը, նույնիսկ եթե արտասահմանում եմ եղել և ստիպված եմ եղել մարզվել: Եվ ես վստահ էի, որ կլինեի նաև նրա առաջին ֆուտբոլային մարզմանը: Ես ոչինչ բաց չեմ թողել։ Նույնը վերաբերում է իմ մայրիկին: Եթե նա իրեն լավ չի զգում, եթե ինչ-որ բան է ուզում, ես արդեն այնտեղ եմ:
Նրանք միշտ աջակցում են ինձ, ուստի ես նրանց նույն կերպ եմ պատասխանում։ Բայց սիրային հարցերի դեպքում դա երբեմն դժվարություններ է ստեղծում, քանի որ ես միշտ վճռական եմ օգնել երեխաներիս և մորս։
Եթե կինը, որի հետ ես շփվում եմ, ինձ նույն էներգիան չի տալիս, ես դրան ուշադրություն եմ դարձնում: Հոյակապ մարմին ունենալն այլևս մեծ նշանակություն չունի ինձ համար: Ինձ ավելի շատ հետաքրքրում է, թե ինչ կա գլխում: Մեծանալով և երեխաներ ունենալուց հետո սկսում ես ավելի շատ մտածել այդ մասին։ Մնացած ամեն ինչ արդեն տեսել եմ, գիտե՞ս։ Եվ միայն այն կինը, որը կարող է ինձ ինտելեկտուալ ձևով խթանել, ինձ հետ լինելու հնարավորություն ունի»,- ասել է «Ռոմայի» հարձակվողը The Basecamp փոդքաստում:
