Մադրիդի «Ռեալի» կիսապաշտպան Տոնի Կրոսը մերժել է Սաուդյան Արաբիայի ակումբներից մեկի առաջարկը։ Այս մասին հայտնում է AS-ը՝ Bild-ին հղումով անելով։
Աղբյուրի փոխանցմամբ՝ գերմանացի կիսապաշտպանը արաբական հավակնոտ ֆուտբոլային նախագծին միանալու առաջարկ է ստացել, սակայն խաղացողը հրաժարվել է այդ առաջարկից։
Նշվում է, որ արաբական ակումբները հետևել են Կրոոսի շուրջ ստեղծված իրավիճակին, որի պայմանագրի ժամկետը լրանում է հունիսի վերջին: Ֆուտբոլիստը մերժել է առաջարկը՝ չնայած այն բանին, որ Մադրիդի «Ռեալը» դեռ չի հայտարարել նրա հետ պայմանագրի երկարաձգման մասին։
Նախորդ մրցաշրջանում Կրոսը «Ռեալի» կազմում անցկացրել է 52 հանդիպում բոլոր մրցաշարերում՝ դառնալով 2 գոլի հեղինակ։
