Դվին «Seven Visions» հյուրանոցի «One and Only» թատրոնում կայացավ իր տեսակի մեջ յուրահատուկ Gen.To շոու-միջոցառումը։
Միջոցառմանը ներկա էին մի շարք մարզիկներ, որոնք լավագույնների շարքում են իրենց սպորտաձևերում՝ Արսեն Հարությունյանը, Հռիփսիմե Խուրշուդյանը, Գրետա Վարդանյանը, Դավիթ Մանոյանը, Կատյա Գալստյանը և այլն։
Պարափաուերլիֆտինգի աշխարհի չեմպիոն Գրետա Վարդանյանը կարևորում է մարզիկների մասնակցությունը նման միջոցառումներին։
«Արդեն երկրորդ տարին է՝ ինչ մասնակցում եմ ՏոտոԳեյմինգի միջոցառումներին։ Ամեն անգամ, ստանում եմ հրավերն ու ուրախանում, որ մարզիկներին անմասն չեն թողնում։ Շատ ուրախ եմ, որ Հայաստանում կա նման կազմակերպություն, որը գնահատում է մարզիկներին, տեսնում են, նկատում մեր աշխատանքը։
Մասնակցել եմ նաև «Ուժը սեռ չունի» միջոցառմանը։ Պատրաստվում եմ առաջիկա Աշխարհի առաջնությանը, ցանկանում եմ իմ հաղթանակով, մեդալներով մեր ողջ ազգն ուրախանա, հպարտանա, ինչու չէ՞, նաև ՏոտոԳեյմինգը, որը բազմիցս կանգնած է եղել մեր՝ մարզիկներիս կողքին»,- ասել է Գրետա Վարդանյանը։
Սա ՏոտոԳեյմինգի ռեբրենդինգի մեկնարկն էր, որի սկիզբը դրվեց բավականին հետաքրքիր տիեզերական շոուով՝ իր տեսակով նոր սերնդի միջոցառումով, որն ուլտրա ներկայացում էր անցյալի հաջողությունների և նոր սկզբի մասին:
Ընկերության հասարակայնության կապերի մասնագետ Աելիտա Չիլինգարյանը նշեց, որ սա պարզապես միջոցառում չէ, այլ շոու՝ ուլտրա ներկայացում։
«Այսօր մենք հավաքվել ենք Gen.To միջոցառմանը, բայց իրականում մենք այն անվանում ենք շոու-ներկայացում։ Սա ընկերության ռեբրենդինգի միջոցառումն է, որը մենք որոշել են շատ յուրահատուկ ձևով ներկայացնել, սա հասարակ ռեբրենդինգ չէ։ Մենք պարզապես մի շարք պրեզենտացիաներ չենք տեսնելու, այլ տեսնելու ենք շոու՝ ուլտրա ներկայացում»։
Մեր զրուցակիցը նաև նշեց, որ պատահական չէ մարզիկների ներկայությունն այս միջոցառմանը․
«Gen.To-ն նաև մեր մարզիկների, մեր չեմպիոնների համար է, և պատահակն չէ, որ մեր հյուրերի շրջանակում են նաև այսքան չեմպիոններ, որոնց հետ մեր ընկերությունը տարիներ շարունակ համագործակցել է։
Ընկերության հիմքում կա, եղել է և կմնա սպորտին աջակցությունը, սպորտը խթանելը Հայաստանում։ Այս սկզբունքից ելնելով, իհարկե, մենք չէինք կարող ունենալ այսպիսի մասշտաբային միջոցառում և չհրավիրել մեր լավագույն գործընկերներին, մեր մարզիկներին, մեր ՉԵՄՊԻՈՆՆԵՐԻՆ։ Այս բառն էլ պատահական ընտրված չէ, որովհետև յուրաքանչյուր մարզիկ ամեն անգամ մասնակցելով, բարձրացնելով Հայաստանի դրոշը, կայացնում է չեմպիոնական որոշում, անցնում է այդ բարդ ճանապարհը՝ երկրի անունը բարձր պահելով։
Մեր ամբասադորները, ովքեր տարիներ շարունակ մեր կողքին են, այսօր էլ են մեր կողքին։ Խոսքը Դավիթ Մանոյանի և Միհրան Հարությունյանի մասին է։ Հուսով ենք, որ այս համագործակցությունը կշարունակվի, որովհետև սա երկկողմանի հաճելի աշխատանք է»։
Սպորտի ամբասադոր Դավիթ Մանոյանը ևս փաստել է ընկերության՝ հայկական սպորտի կողքին լենելը․
«Ընկերության հետ համագործակցում ենք արդեն երկրորդ տարին անընդմեջ։ Ես հանդիսանում եմ բրենդի ու սպորտ ամբասադորը Հայաստանում։ Բազմաթիվ նախագծեր ենք հասցրել իրագործել այս ընթացքում՝ կրթաթոշակներ Ֆիզիկական Կուլտուրայի և Սպորտի Պետական Ինստիտուտի ուսանողներին, ապրիլի 7-ին շնորհավորել ու մեծարել ենք մեր կանանց հաջողությունը սպորտում և ոչ միայն, «Ուժը սեռ չունի» արշավն ենք առաջ տանում երկրորդ տարին անընդմեջ։
Այսօր մենք Gen.to-ի միջոցառմանը տեսնում ենք, որքան մարզիկներ, սպորտի հետ կապված մարդիկ են ներկա։ Այն, որ ընկերությունը սպորտի կողքին է, այս մարդկանց ներկայությունն ամեն ինչով ապացուցում է։
Մեր համագործակցությունը դեռ երկար է շարունակվելու և հույս ունեմ՝ դա էլ ավելի մեծ ազդեցություն կունենա հայկական սպորտում»։
Ազատոճային ըմբիշ, Եվրոպայի եռակի չեմպիոն Արսեն Հարությունյանն էլ հույս հայտնեց, որ իր և ընկերության համագործակցությունը կստացվի։
«Ճիշտն ասած, տարիներ շարունակ տեսել եմ ՏոտոԳեյիմինգի աշխատանքը, տեսել եմ, թե որքան ուշադիր է ընկերությունը սպորտի նկատմամբ և ցանկանում է, որ Հայաստանում այն զարգանա։
Տարիներ շարունակ ես եղել եմ Հայաստանի Ֆիզիկական Կուլտուրայի և Սպորտի Պետական Ինստիտուտի 10 լավագույն մարզիկներից մեկը, որի համար պարգևատրվել եմ ՏոտոԳեյմինգի կողմից։ Ես տեսնում եմ, որ ընկերությունը փորձում է սպորտի համար ամեն ինչ անել»։
Ծանրամարտի Եվրոպայի չեմպիոն Հռիփիսմե Խուրշուդյանը մարզիկի լարված գրաֆիկում GenTo.-ի նման միջոցառումների առկայությունը հատկապես շեշտադրեց։
«Նախորդ տարվանից եմ վերադարձել մեծ սպորտ։ Ընկերությունը ապրիլին մրցանակաբաշխություն էր կազմակերպել՝ «Ուժը սեռ չունի», որտեղ ես մրցանակակիրներից մեկն էի։ Սա երկրորդ միջոցառումն է, որին մասնակցում եմ, հուսով եմ՝ դա շարունականան կլինի»,- ասաց Հռիփսիմե Խուրշուդյանը։
Նշենք, որ ծանրամարտի Եվրոպայի չեմպիոն Հռիփսիմե Խուրշուդյանը 6 տարվա դադարից հետո նախորդ տարի վերադարձավ մեծ սպորտ, իսկ այս տարի Երևանում կայացած Եվրոպայի առաջնությունում նա բրոնզե մեդալ նվաճեց։ Խոսելով իր առաջիկա ծրագրերի մասին՝ Հռիփսիմեն ասաց, որ պատրատվում է Աշխարհի առաջնությանը և հուսով է՝ մեդալներով կվերադառնա։
Եվ վերջում նշենք, որ Gen.to միջոցառումը տպավորեց իր մասշտաբներով և ինովացիոն մտքերով։ Շոու-ներկայացման ընթացքում գործի դրվեցին ձայնային, լուսային և հոլոգրաֆիկ տեխնոլոգիաներ, իսկ այդ ամենն ուղեկցվեց գեղեցիկ պարային և ակրոբատիկ ծրագրով։
📷 Միջոցառման լուսանկարները՝ ստորև․
GALLERY
