MLS-ի առաջնության առաջին տուրում «Լոս-Անջելեսը» սեփական հարկի տակ ընդունել է «Ինտեր Մայամիին»: Հանդիպումը կայացել է Լոս Անջելեսի «Բենկ օֆ Կալիֆորնիա» մարզաշտում և ավարտվել է տանտերերի` նվազագույն հաշվով հաղթանակով:
Հանդիպման միակ գնդակը խաղի 44-րդ րոպեին հեղինակել է 31-ամյա մեքսիկացի հարձակվող Կարլոս Վելան:
Նշենք` տանտերերի կազմում ամբողջ հանդիպմանը մասնակցել է ուրուգվահայ հարձակվող Դիեգո Ռոսի Մարաշլյանը:
Հիշեցնենք` MLS-ի նորեկ «Ինտեր Մայամիի» համահիմնադիրներից մեկն Անգլիայի հավաքականի նախկին կիսապաշտպան Դևիդ Բեքհեմն է:
Ավելի վաղ կանադական «Մոնրեալ Իմպեկտն» առաջին հաղթանակն է տարել ֆրանսիացի գլխավոր մարզիչ Թիերի Անրիի գլխավորությամբ: