Մադրիդի «Ատլետիկոյի» ֆուտբոլիստ Մեմֆիս Դեպայը պատմել է՝ ինչպես է ադապտացվում թիմում՝ մարզումային գործընթացը համեմատելով «Բարսելոնայի» հետ:
«Կարծում եմ՝ գտել եմ իմ տեղը «Ատլետիկոյում»: Վերջին մի քանի խաղերը ցույց տվեցին, որ ես վերադարձրել եմ մարզավիճակ: Ես արդեն մի քանի լավ գոլ եմ խփել։ Լավ եմ զգում ինձ: Իհարկե, դեռ վաղ է եզրակացություններ անել, ձմեռային դադարը երբեք հեշտ չի լինում, բայց առայժմ ինձ մոտ ամեն ինչ լավ է ընթանում։ Մենք քրտնաջան մարզվում ենք, և այս տեսակ մարզումները գրավում են ինձ: Շատ աշխատանք դարպասի դիմաց: Այս տեսակի վարժությունները համապատասխանում են իմ մարմնին: Նրանք երբեմն պակասում էին «Բարսելոնայում», ուստի ես վնասվածքներ էի ստանում:
Կա՞ հիասթափություն, որ «Բարսելոնայում» ամեն ինչ այնպես չընթացավ, ինչպես ես էի ուզում: Իհարկե, միշտ դառնություն ես զգում, երբ հեռանում ես ակումբից։ Հատկապես եթե դա «Բարսելոնան» է: Բայց սա ֆուտբոլ է, ինչ-որ բան այն չեղավ: Ամեն դեպքում, այս պահին ես կատարեցի այն ընտրությունը, որն ինձ համար լավագույնն էր։ Այժմ ես կարող եմ ցույց տալ իմ տաղանդը «Ատլետիկոյում» և, բարեբախտաբար, Նիդերլանդների հավաքականում։ Դա ամենակարևորն է»,-Դեպայի խոսքերն է փոխանցում Elfvoetbal-ը:
