«Բարսելոնայի» նախկին հարձակվող Լուիս Սուարեսը խոսել է ՊՍԺ-ի ներկայիս հարձակվողներ Լիոնել Մեսսիի և Նեյմարի հետ իր հարաբերությունների մասին, երբ նրանք միասին խաղում էին կատալոնական ակումբում։
«Խաղադաշտից դուրս մենք հավաքվում էինք, որպեսզի մատե խմենք: Նեյմարը մատե չէր խմում, բայց գալիս էր, և մենք խոսում էինք աշխարհում ամեն ինչի մասին: Նեյմարը մեզ հրավիրեց իր ծննդյան երեկույթին, նա գիտեր, թե ինչպիսին է մեր կյանքը, և մենք գիտեինք, թե ինչպիսին է նրա կյանքը: Եթե երբեմն տեսնում էինք, որ նա ինչ-որ բան սխալ է անում, ասում էինք. «Ոչ, վերջ»,- Սուարեսի խոսքերն է մեջբերում Marca-ն։
Հիշեցնենք, որ Լուիս Սուարեսը «Բարսելոնայում» հանդես է եկել 2014-ից 2020 թվականներին։ Ակումբի կազմում նա անցկացրել է 283 հանդիպում, որոնցում խփել է 195 գոլ և կատարել 113 արդյունավետ փոխանցում։
