«Մանչեսթեր Յունայթեդի» գլխավոր մարզիչ Ուլե-Գունար Սուլշերը խոսել է Եվրոպա լիգայի 1/16 եզրափակչի՝ «Բրյուգեի» հետ խաղից ունեցած սպասելիքների մասին.
«Երբ խաղերը կայանում են հինգշաբթի, իսկ հետո միանգամից արդեն կիրակի, ապա շաբաթը բոլորովին այլ կերպ է անցնում: Մենք չեն ունենոմ շաբաթ երեկո, որ կարողանանք անցկացնել տանն ընտանիքի հետ, այդ ժամանակ մենք ստիպված ենք լինում գտնվել, օրինակ, հյուրանոցում: Բայց մենք ցանկանում ենք, որ այդպիսի խաղերը լինեն:
Մենք ուժեղ կազմ ունենք ու հիմա իմ խնդիրը ռոտացիայի դիմելն է: Իսկ ֆուտբոլիստների գործը պատրաստ լինելն է, երբ մենք նրանց ընդգրկում ենք մեկնարկային կազմում: Ես ցանկանում եմ, որ խաղի ռիթմն ու տղաների մարզավիճակն իրար համապատասխանեն»,- Սուլշերի խոսքերն է փոխանցում ակումբի պաշտոնական կայքը:
Այսր՝ փետրվարի 27-ին, «Մանչեսթեր Յունայթեդը» ԵԼ-ի 1/16 եզրափակչի պատասխան խաղում կընդունի «Բրյուգեին»: Առաջին հանդիպումն ավարտվել է ոչ-ոքի՝ 1:1 հաշվով:
