Մադրիդի «Ռեալի» գլխավոր մարզիչ Կարլո Անչելոտին ամփոփել է Իսպանիայի առաջնության 23-րդ տուրի՝ Մադրիդի «Ատլետիկոյի» դեմ հանդիպումը (1-1).
«Մենք գոլ բաց թողեցինք մյուս թիմի վարպետության պատճառով, ինչը պետք է հաշվի առնենք ֆուտբոլում: Դա նրանց հետ պատահեց նաև մեր գոլի ժամանակ։ Նորմալ է, որ մենք լավագույն մարզավիճակում չենք, քանի որ սա 17-րդ խաղն է 50 օրվա ընթացքում։
Ալվարո Ռոդրիգեսը ցուցադրեց իր բոլոր որակները, և սա յուրահատուկ երեկո է նրա և մեզ համար, քանի որ մենք սկսում ենք հասկանալ, որ նա օգտակար կլինի մրցաշրջանի այս հատվածում։
Նա հաջորդ մրցաշրջանում կլինի հիմնական կազմում, քանի որ ունի այնպիսի որակ, որը քչերն ունեն։ Իր տարիքի համար նա բարձրահասակ է, հզոր»,- Անչելոտիի խոսքերն է մեջբերում ակումբի պաշտոնական կայքը։
