«Չելսիի» պաշտպան Անտոնիո Ռյուդիգերը, որն անգլիական Պրեմիեր-լիգայի 27-րդ տուրի`«Տոտենհեմի» հետ խաղում սուլոցների է արժանացել երկրպագուների կողմից (2:1), խոսել է ռասիզմի խնդրի մասին։ Հիշեցնենք` 2019 թվականի դեկտեմբերին գերմանացի պաշտպանը դարձյալ ռասիստական վիրավորանքների էր ենթարկվել «Տոտենհեմի» հետ խաղում (2:0).
«Ռասիզմը հաղթեց։ Տեղի ունեցածը միայն հաստատում է, որ մարդիկ, ովքեր ռասիզմ են դրսևորել, կարող են հանգիստ վերադառնալ մարզադաշտ։ Նրանք խուսափում են պատժից։ Ես չեմ հանձնվում ու չեմ լռում ։ Միշտ կգոռամ խնդիրների մասին, բայց, ցավոք, հիմա ես միայնակ եմ։
Ամեն մեկը պետք է իրենից սկսի։ Երբ քննադատության ես ենթարկվում Իտալիայում, ի պատասխան լսում ես․ «Իտալիայում դա նորմալ է»։ Պետք է սկսես քեզնից, իսկ հետո խոսես մյուսների մասին։ Բոլոր երկրներում կա այս խնդիրը։ Այո, ես աջակցության խոսքեր եմ լսում, բայց խոսքերն ու գործը տարբեր բաներ են։ Արդյունքում, յուրաքանչյուրը կարող է ասել «կներեք»։ Բայց դա կարող են գիտակցել միայն նրանք, ովքեր հայտնվել են այն իրավիճակում, ինչ ես։ Ես կարող էի այս մասին գրառում անել սոց․ցանցերում, բայց դա ինչի՞ վրա կազդեր։ Վերջիվերջո, ես մենակ եմ»,- Ռյուդիգերի խոսքերն է փոխանցում Sky Sports-ը։
