Ռուսաստանի Ֆուտբոլի ազգային լիգայի 9-րդ տուրում «Ալանիան» 4։2 հաշվով հաղթել է ԿԱՄԱԶ-ին և բարձրացել առաջին հորիզոնական։ Հայաստանի ազգային հավաքականի թեկնածու, «Ալանիայի» կիսապաշտպան Արթուրը Գալոյանը, որն այս խաղում դարձել է գոլի հեղինակ, ակումբի մամուլի ծառայության հետ զրույցում խոսել է հանդիպման մասին։
— Արթուր, շնորհավորում ենք հաղթանակի համար: Ի՞նչ կասեք խաղի մասին։
— Շնորհակալություն շնորհավորանքների համար: Իրականում խաղը շատ բարդ էր։ Ամբողջ շաբաթ պատրաստվում էինք այս հանդիպմանը։ Հասկացանք, որ թիմը կազմակերպված է և իզուր չէ, որ զբաղեցնում է առաջին տեղը։ Ամեն դեպքում մենք հետ մղվեցինք մեր խաղից։ Այսօր մեզ հաջողվեց իրականացնել այն ամենը, ինչի վրա աշխատել ենք ամբողջ շաբաթ մարզումների ժամանակ։ Արժանիորեն հաղթեցինք։ Ափսոս, որ զավեշտալի 2 գոլ բաց թողեցինք։ Հուսով եմ, որ հետագայում ավելի սառնասիրտ կլինենք և թույլ չենք տա նման պահեր մեր դարպասների մոտ։
— Այս խաղում հերթական անգամ արդյունավետ գործողություններով աչքի ընկաք։ Ինչի՞ շնորհիվ Ձեզ հաջողվեց լավ մարզավիճակ ձեռք բերել և գոլ + փոխանցում համակարգով դառնալ առաջնության առաջատարը։
— Ես նույնիսկ չգիտեմ։ Ես ուղղակի շատ եմ աշխատում ինքս ինձ վրա, մարզվում եմ։ Եվ դա ոչ միայն ես, այլ մեր ամբողջ թիմը: Մենք կատարում ենք մարզչական շտաբի հրահանգները, և երբեմն դա շատ լավ է ստացվում: Կարծում եմ՝ այդ ամենը քրտնաջան աշխատանքի արդյունք է:
— Երկրորդ խաղակեսում հարվածեցիք դարպասաձողին, ինչո՞ւ որոշեցիք հեռահար հարված կատարել:
— Այնպես ստացվեց, որ խլեցի գնդակը, «հեռացրի» մրցակցին ու հայտնվեցի ազատ գոտում։ Որոշեցի հարվածել: Իհարկե, մի փոքր տխրեցի այդ դրվագի համար, բայց ամեն ինչ կարող է պատահել:
-Ի՞նչ կարող է տալ այսօրվա հաղթանակը մեր թիմին, բացի հոգեբանական աջակցությունից։
— Հասկանալի է, որ հոգեբանորեն այս հաղթանակը դրական կանդրադառնա թիմի վրա։ Մենք բարձրացանք առաջին հորիզոնական։ Նման հաղթանակը մեզ մեծ օգուտ կտա խաղային առումով։
— Այս խաղում «Ալանիան» լա՞վն էր, թե՞ ԿԱՄԱԶ-ը վատ հանդես եկավ։ Գուցե երկուսն էլ․․․
— Նախ նշեմ, որ մեր երկրպագուներն այս խաղում մեզ շատ աջակցեցին։ Դժվար է հակառակորդի մասին ինչ-որ բան ասել: Կրկնում եմ՝ մենք սկսում ենք մեր խաղից։ Մեզ հաջողվե իրականացնել այն, ինչ մտածել էինք։ Մենք լավ հանդիպում անցկացրինք։