«Բարսելոնայի» նախկին գլխավոր մարզիչ Էռնեստո Վալվերդեն խոսել է Չեմպիոնների լիգայում «Ռոմայից» և «Լիվերպուլից» կրած պարտությունների մասին։
«Ինձ համար այդ երկու պարտությունները տարբեր են։ Հռոմում մենք ավարտին չհասցրինք այն, ինչ սկսել էինք։ Ես միշտ կարծում էի, որ մենք կկարողանանք շտկել իրավիճակը։ Իսկ Լիվերպուլում երբ խաղը մեկնարկեց, նրանք մեզ գոլ խփեցին, ինչից մենք ուզում էինք խուսափել։ Իսկ հետո նրանք մեկ րոպեում երկու գոլ խփեցին։
Նման իրավիճակներ միշտ էլ լինում են։ Մենք հաղթական իրավիճակ էինք ստեղծել «Լիվերպուլի» դեմ առաջին խաղից հետո։ Այդ ժամանակ մենք անգամ կարող էինք չորս գնդակի առավելությամբ հաղթել։
Չեմպիոնների լիգան շատ դժվար է հաղթելը։ Եվրոպա լիգան, աշխարհի առաջնությունը․․․այս բոլոր մրցաշարերում ամեն ինչ կախված է մեկ խաղից, մեկ առանձին պահից։ Առաջնությունը, ի տարբերություն, ցույց է տալիս, թե ինչ ես արել դու ամբողջ տարվա ընթացքում»,-Վալվերդեի խոսքերն է մեջբերում Marca-ն։
Հիշեցնենք, որ 2017/18 թվականների մրցաշրջանում «Բարսելոնան» դուրս մնաց Չեմպիոնների լիգայից քառորդ եզրափակչում՝ պարտվելով «Ռոմային»։ Առաջին խաղում սեփական հարկի տակ կատալոնական ակումբը հաղթել էր 4-1 հաշվով, իսկ Հռոմում պարտվեց 0-3 հաշվով։
2018/2019 թվականների մրցաշրջանում կիսաեզրափակիչ առաջին խաղում տանը 3-0 հաշվով «Լիվերպուլին» հաղթելուց հետո «Բարսելոնան» «Էնֆիլդում» պարտվեց 0-4 հաշվով։