Համաշխարհային հակադոպինգային գործակալությունը (WADA) հայց է ներկայացրել Լոզանի արբիտրաժային դատարան (CAS)`ՌՈւՍԱԴԱ-ի գործը բաց ռեժիմով անցկացնելու մասին:
Նշվում է, որ այդ միջոցով կարելի է ապահովել դատական գործընթացի լիակատար թափանցիկությունը:
Հիշեցնենք, որ 2019 թվականի դեկտեմբերի սկզբին WADA-ն Ռուսաստանի հակադոպինգային գործակալությանը զրկեց համապատասխան կարգավիճակից, ինչի պատճառով առաջիկա 4 տարիների ընթացքում Ռուսաստանը զրկվեց միջազգային խոշոր մրցաշարերին մասնակցելու իրավունքից: Բացի դա, այս ընթացքում երկիրը չի կարողանա իր տարածքում մրցաշարեր հյուրընկալել:
Ռուս մարզիկներին թույլ է տրվում մասնակցելու միջազգային խոշոր մրցաշարերին միայն չեզոք դրոշի ներքո: Ընդ որում, նրանք ստիպված կլինեն լրացուցիչ դոպինգ թեստեր անցնել:
ՌՈՒՍԱԴԱ-ն դեկտեմբերի վերջին իր անհամաձայնությունը հայտնեց WADA-ի պատժամիջոցներին: Հունվարի սկզբին միջազգային գործակալությունը դիմեց Լոզանի արբիտրաժային դատարան (CAS)` հայց ներկայացնելով ՌՈՒՍԱԴԱ-ի դեմ: WADA-ն կոչ է անում ռուսական կողմին համապատասխան կարգավիճակից զրկելը համարել ճիշտ և հիմնավոր:
Ավելի վաղ հայտնել էինք, որ դատական գործընթացը թույլատրում է երրորդ անձանց ներգրավվածությանը գործին: