Աշխարհի երկրորդ ռակետ, սերբ Նովակ Ջոկովիչը Ավստրալիայի Բաց առաջնության եզրափակչի՝ ավստրիացի Դոմինիկ Տիմի հետ խաղում իր դժգոհությունն է հայտնել գլխավոր մրցավարի գործողություններից (հանդիպումը դեռևս ընթացքի մեջ է):
Երկրորդ սեթի վերջնամասում Նովակը, անցնելով մրցավարի կողքով, ասել է. «Դու այսօր քեզ հայտնի դարձրիր: Ապրես, տղա»:
Գլխավոր մրցավարը երկու անգամ պատժել է սերբ թենիսիստին մատուցման համար նախատեսված ժամանակի ձգձգման համար:
One. Game. Away!
— ATP Tour (@atptour) February 2, 2020
HUGE HOLD for @DjokerNole to lead 5-3 on RLA.pic.twitter.com/a1bVp7gDMi
Հիշեցնենք՝ կիսաեզրափակչում Ջոկովիչը հաղթել է շվեյցարացի Ռոջեր Ֆեդերերին
7:6 (7:1), 6:4, 6:3 հաշվով, իսկ Տիմը 3:6, 6:4, 7:6 (7:3), 7:6 (7:4) հաշվով առավելության է հասել Գերմանիայի ներկայացուցիչ Ալեքսանդր Զվերևի նկատմամբ:
Անձնական դիմակայություններով Ջոկովիչն առջևում է 6-4 հարաբերակցությամբ: Վերջին անգամ թենիսիստները հանդիպել են ATP-ի 2019 թվականի Ամփոփիչ մրցաշարի խմբային փուլում. Տիմը 6:7 (5:7), 6:3, 7:6 (7:5) հաշվով հաղթանակ է տարել: