ՀՖՖ նախագահ Արմեն Մելիքբեկյանն այսօր հյուրընկալել է 1974 թ. աշխարհի փոխչեմպիոն, լեգենդար ֆուտբոլիստ, Էյնդհովեն քաղաքում Հայաստանի պատվավոր հյուպատոս Վիլլի Վան դե Կերխոֆին, Հայաստանում Նիդերլանդների թագավորության դեսպան Նիկոլաս Յակոբ Սխերմերսին, ինչպես նաև «ՊՍՎ Էյնդհովեն» ակումբի ներկայացուցիչներին, հայտնում է ՀՖՖ մամուլի ծառայությունը։
Կողմերը պայմանավորվածություններ են ձեռք բերել ֆուտբոլային հետագա համագործակցության շուրջ: «ՊՍՎ Էյնդհովեն» ակումբի ներկայացուցիչները շուտով կայցելեն ֆուտբոլի ակադեմիա՝ տեղում ծանոթանալու ենթակառուցվածքներին և պայմաններին:
